ایران وایر خبری اساسدا باتی آذربایجانین قوشاچای (میاندواب) شهریندن اولان مدنی فعال حسین آزادی تبریز شهرینده گوونلیک گوجلری طرفیندن حبس ائدیلیب.
ایراندا آذربایجانلی سیاسی محبوسلارین ساوونما درنگی‌نین (آداپ) وئردیگی بیلگیلره گؤره، حسین آزادی‌نین عائله‌‌‌سی‌نین و یاخینلاری‌نین وئردیگی بیلگیلره گؤره، بو مدنی فعال ۱ مهر ۱۴۰۲-جی ایل شنبه گونو باغمیشه‌ده سیویل مامورلار طرفیندن حبس ائدیلیب.
بو واختا کیمی اونون حبسی‌نین سببلری، اتهامین آدی و کؤچورولمه یئری باره‌ده آیرینتیلی بیلگی یوخدور.
«داوود شیری»، «علی بابایی»، «امیرحسین آقایی»، «محمدرضا موحد»، «آزار ابراهیم‌زاده» و «جواد سودبر» وجوما گونو، ۲۴ شهریورده ایسه “مهرداد قادری” تبریز اطلاعات ایداره‌سی‌نین مامورلاری طرفیندن حبس ائدیلیب و بو قورومون تجرید‌خاناسینا کؤچورولوبلر. ۲۵ شهریور گونو بابک رحمتی ایسه بوناب شهرینده، ۲۸ شهریور گونو ده فرهاد حسینی زنجاندا حبس ائدیلمیشدی. بوتون بو مدنی فعاللار هله ده حبسده‌دیرلر و بلیرسیز دورومدادیرلار.
