بؤیوک تاسف و کدر ایله، سئویملی صنعتکار ( هنرمند) ناصر سهند (تفضلی-اشکریز) بی این، غربت و تبعیدده، آلمانین برلین شهرینده، دنیا‌دان گؤز یومدوغو خبرینی آلدیق.ناصر بی این آرامیزدان گتمه سی ایله آذربایجان اؤز مدنی و اینجه صنعت ساحه‌سینین چوخ قیمتلی بیر شخصیتینی ایتیریب، درین غصه و کدر ایچینده دیر. او بیر صنعتکار ایدی کی، وطن‌عشقینی قلبینده داشییردی و آنا وطن حسرتی ایله، غربت‌ده یا‌شاییب و نیهایت، ال‌اوزاقدا بیزدن آیریلدی.
مرحوم ناصر سهند، ۱۳۳۶-جی ایلین خوردا آییندا تبریز شهرینده دونیایا گؤز آچیب. ایران انقلابین‌دان سونرا، یاراندیغی شرایط و مشکله‌لرینه گوره وطن‌دن آیریلماق مجبوریتینده قالیب و اون‌دان سونرا، غربت‌ده یا‌شاماغا باشلامیشدی. بو ایللر ایچینده، او هیچ‌واقت آذربایجان مدنیتی و ملی هویتین‌دن آیریلمادی؛ عکسی نه، کولتور و‌مدنی ساحه‌لرده آکتیو و مسئولیت‌لی فعالیت‌لر گؤستریبدی.
اونون «ایشیق» سایتی‌نین فعالیت‌لرینده و باشقا فرهنگی-اجتماعی ساحه‌لرده گؤستردیی همکاری‌لری، سوسیال میدیا‌دا فعال و تاثیرلی مقام‌لاردا اولماسی، و خصوصا «آذربایجان‌مدنی اکتیویستلری » نین کچن ایل برلین و هامبورگ شهرلربنده کئچیریلن سمینارلارین تنظیمینده‌کی خیدمتی، دا‌ییما خاطرلاردا قالاجاقدیر
آذربایجان دموکرات پارتی سی و مدنی جمعییت فعال‌لاری، بو آغیر ایتگینی، محترم مرحومون یاخینلارینا، اؤزللیک ایله‌باش‌دا خانواده‌سینه، اؤلکه‌ایچی و اؤلکه‌دیشی دوستلارینا باش‌سا‌غلیغی وئریر .
روحی شاد، خاطیره سی ابدی اولسون
