۲۲ اسفند ۱۴۰۳-جو ایل تاریخینده تبریز تعجیلی طبی یاردیم ایشچیلری، رسمی شخصلرین وئردیگی وعدلرین یئرینه یئتیریلمه‌مه‌سی و دولانیشیق پروبلئملری سببیندن دوغو آذربایجان ایالتی‌نین والیلیگی‌نین قارشیسیندا اعتراض آکسییاسی کئچیردیلر.
اعتراضچیلار شوعارلار سسلندیره‌رک، معاش مسئله‌‌لری‌نین تئزلیکله حل اولونماسینی ایسته‌ییبلر.
اونلار بیلدیردیلر کی، رسمی شخصلر سون آیلاردا دفعه‌‌لرله سؤز وئرسه‌لر ده، اونلارین حوقوق و دولانیشیق پروبلئملری هله ده حل اولونماییب و دورومو یاخشیلاشدیرماق اوچون هئچ بیر عملی آددیم آتیلماییب.
آکسییایا قاتیلانلار ایالت یئتکیلیلریندن و ایلگیلی قوروملاردان پروبلئملری‌نین حلینی طلب ائتدیلر و سونوج الده اولونماسا، اعتراضلارینی داوام ائتدیره‌جکلرینی بیان ائتدیلر.
