تورک مدنی فعال سیما علیپور، بازار ائرته‌سی گونو تبریزده اینقیلاب کئشیکچیلری اطلاعاتی طرفیندن ساخلانیلمیشدی، لاکین چارشنبه آخشامی، ۲۸ اسفند ۱۴۰۳-ده ۴۰۰ میلیون تومنلیک گیروو قارشیلیغیندا سربست بوراخیلیب.
بیلگیلره گؤره، گوونلیک گوجلری محکمه امری تقدیم ائتمه‌دن خانیم علیپورو تضییق آلتیندا ساخلامیش، اونون تلفونو و بعضی شخصی اشیالارینی موصادیره ائده‌رک اینقیلاب کئشیکچیلری‌نین اطلاعات ایداره‌سینه گئتمه‌یه مجبور ائتمیشدیلر.
بونونلا بئله، هله‌لیک اونون ساخلانما سببلری و حبسده اولدوغو مدتده گوونلیک گوجلری‌نین اونا نئجه داورانماسی ایله باغلی آیرینتیلی بیلگیلر یاییملانماییب.
خانیم علیپور کئچن آی دا تلفون واسطه‌‌‌سیله تبریزین اینقیلاب کئشیکچیلری اطلاعاتی ایداره‌سینه چاغیریلمیشدی. لاکین او، بو حرکتی قانونسوز حساب ائده‌رک گئتمکدن ایمتینا ائتمیشدی. بونا جاواب اولاراق، گوونلیک گوجلری اؤتن هفته خانیم علیپورون ائوینه باسقین ائده‌رک آختاریش آپارمیش و اونون بو ایداره‌یه گلمه‌سی‌نین اؤنملی اولدوغونو بیلدیرمیشدیلر.
